សេចក្តីជូនដំណឹងស្តីពី ការកែសម្រួលថ្លៃលក់ទឹកស្អាតដែលផលិត និងផ្គត់ផ្គង់ដោយរដ្ឋាករទឹកស្វយ័តក្រុងភ្នំពេញ
នៅថ្ងៃទី២៨ ខែសីហា ឆ្នាំ២០១៧ ក្រសួងឧស្សាហកម្ម និងសិប្បកម្ម បានចេញសេចក្តីជូនដំណឹងស្តីពី ការកែសម្រួលថ្លៃលក់ទឹកស្អាតដែលផលិត និងផ្គត់ផ្គង់ដោយរដ្ឋាករទឹកស្វយ័តក្រុងភ្នំពេញ លេខ ១៤៩ MIH/២០១៧ ចុះថ្ងៃទី១៥ ខែឧសភា ឆ្នាំ២០១៧ ដោយបានបន្ថែមកំរិតប្រើប្រាស់ ពី ០ ទៅ ៣ ម៣ ថ្លៃត្រឹមតែ ៤០០ រៀល ក្នុងមួយម៉ែត្រគូបតែប៉ុណ្ណោះ ដែលពីមុនមានតម្លៃ ៥៥០ រៀល ក្នុងមួយម៉ែត្រគូប។ ទន្ទឹមនេះ ក្រសួងបានបញ្ជាឱ្យរដ្ឋាករទឹកស្វយ័តក្រុងភ្នំពេញអនុវត្តការគណនាតម្លៃទឹកតាមរបៀបគណនាចាស់ និងសងជូនអតិថិជនដែលមានផលប៉ះពាល់ទាំងអស់ នូវទឹកប្រាក់លម្អៀងលើសជាបន្ទាន់។
ក្រសួងឧស្សាហកម្ម និងសិប្បកម្ម
